OM no a duna reaccion ainda riba denuncianan di Booshi Wever contra Otmar Oduber

1592

Despues cu Booshi Wever a haci entrega di un denuncia na Ministerio Publico, prensa a keda na e sitio pa scucha e reaccion di Ministerio Publico, riba e denuncia aki y esun di seis (6) luna pasa cu e no a tende nada mas di dje.

Ministerio Publico di su banda nunca a duna un reaccion riba e denuncia entrega door di Wever contra manehonan dudoso di ex Politico Otmar Oduber. Esaki ta motibo cu prensa awe mainta a dicidi, despues di papia cu Booshi Wever lider di UPP, pa pidi un reaccion di Ministerio Publico riba kico ta bay pasa awo. Nan a keda para eyfo te ora cu a haya un hende cu por a atende cu nan.

Keho contra ex-Minister Otmar Oduber. Pendiente pa banda di medaya di Ministerio Publico

Posted by 24ora on Friday, June 5, 2020

Ann Angela, vocero di Ministerio Publico, a atende prensa berdad pero el a bisa cu en realidad e tin decepcion prensa pasobra e no por bisa mucho cos. A caba di ricibi e denuncia di e politico Wever, pero e no a haya chens di papia cu Procurador General interino mr. Frans Deutekom (Abogado General) pa haya sa kico OM tin di bisa. E funcionario aki por dun’e informacion di kico e por bisa prensa pasobra e ta un relacionista publico y e no ta envolvi den investigacion.