Diasabra anochi a tuma luga den Caya Betico Croes, un evento, unda cu artistanan local tabata presente pa presenta nan arte durante un Pop Up BazRRR, unda cu fuera di esey tambe tabata tin bendemento di cuminda crioyo y tambe benta di productonan organico.
Tema di e evento aki tabata RRR (Reduce, Reuse, Recycle) Tur obra presenta a wordo trata di mas parti materialnan recicla. PURO Coffee tabata tey tamnbe presente, bendiendo cuki, cual fondonan a bay pa e conocido artista Jenny Kock, kende ta un persona deshabilita, pero no a laga esaki crea cuadranan extraordinario.
Jenny Kock mes tabata tey den un local unda cu e tabata sinta pinta, durante henter e evento. 
Loke tabata remarcabel, cu e tabata tin un Tshirt bisti cu e palabranan “Mi Tambe Por”, cual ta mustra un y tur cu a bin bishit’e, cu apesar di su limitacion fisico, esey no ta kita cu e por crea arte.
Na e otro boothnan tabata tin benta di cos dushi, tert, bolo y tambe joyanan. Enfin, tabata un evento exitoso cu sigur tabata un boost pa nos caya grandi.
