Manera ya anuncia den medionan di comunicacion, polisnan lo bay ta hopi mas activo riba caya pa loke ta control den trafico y esey ta loke a sosode diadomingo, den careda di mey anochi. Un team di polis a tene control di trafico riba Sasakiweg na altura di e luznan di trafico. Varios auto a wordo controla y algun confisca, ora cu a nota cu varios di nan no tabata tin nan papelnan na ordo. Tabata tin un caso tambe caminda cu durante control, polis a haya un hoben cu droga den su poder. Esaki a keda deteni y a confisca su vehiculo. Controlnan asina sigur lo bay intensifica, mirando cu fin di aña ta acercando y e trafico lo bay bira mas druk cu normal.
