Diasabra, algo pasa di 11’or y 45 di anochi, patruya di Playa, a ser dirigi p’ariba di Renaissance Hotel, caminda lo tabata tin un auto cu lo a alcansa un brommer. Di biaha patruya a dirigi nan mes na e sitio menciona y a bin topa cu un hoben benta banda di caminda. E hoben aki a declara cu e y un amigo di dje, tabata riba un brommer y na momento cu tabata yegando e brug, un Toyota Altezza color blanco a sali riba nan. Nan no por a haci mucho di manera cu mala suera a toca nan. E Altezza a alcansa e brommer, caminda cu un di e hobennan aki a keda herida. Ambulance a presenta pa asina duna e hoben aki asistencia, mirando cu el a haya sla na su pia. Despues di esaki, a transport’e pa hospital.
