Polis ta traha preventivo. Hopi biaha ta anuncia e controlnan, manera ristramento di siguridad, ta wordo anuncia. Tambe por geef door ora cu tin e controlnan. Awor aki na December, hendenan por imagina, no solamente den fin di siman, pero lo cuminsa haci e controlnan durante siman, mirando cu lo bay tin varios actividad cu lo sosode den siman.
E intension no ta pa purba di detene mas tanto hende posibel, kier yega na un fin di aña cu por baha e cantidad di accidentenan mas tanto posibel segun Alex Pieters di Departamento di Polis Motoriza. No kier pa ningun hende perde nan bida tampoco den trafico fin di aña.
Ta mira si riba social media, hopi hende ta critica y ta rabia, pero ta un grupo chikito. Ta mira e feedback cu ta haya en general di e grupo mas grandi di Aruba, ta hopi positivo.
Hopi biaha den control cu para 10 pa 15 auto, pone tur supla na banda, e feedback di 90% cu ta haya di e hendenan cu nan para, ta indica cu ta bon trabao y pa sigui cu e bon trabao.
Hopi hende ta coopera tambe. E hendenan ta duna un bon feeling cu si bo wak hopi polis riba caminda, hopi control ta bezig. E hendenan cu ta burachi y cu ta haciendo fastioso, ta wordo gara. E ta duna un feeling di mas siguridad den trafico. Esey ta eigenlijk unda cu kier yega.
Berdad ta wak e mal comentarionan tambe riba Facebook. Esey ta un paar di hende cu probablemente cu a wordo deteni of a haya boet y nan ta zeur riba e parti di trafico.
Pero e trabao di polis no ta encera no solamente e trabao di recherche, e trabao di detencion, e trabao di strand, pero tambe e trabao den trafico.
E departamento di motorbrigade ta sigui cu e control den trafico pa mantene nan parti mas sigur posibel, segun Pieters.
