Despues cu presidente di Camara di Comercio, Ernst Mohamed a baha, e board di Camara di Comercio a sigui cu su miembronan di directiva.
Segun vice presidente Kawish Misier, e board ta consisti di 9 persona. Cada aña 3 persona ta cambia y asina e board ta keda fuerte, dinamico y fresco.
E aña aki tin tres posicion cu a habri. A haya tres candidato caba pa yena e posicionnan. E board lo keda consisti di 9 persona.
Ta hopi contento cu e board lo keda hopi fuerte y lo keda hopi dinamico. E conocemento cu lo drenta e board, lo hisa e calidad y e nivel di e organisacion.
Misier a sigui splica cu e board tin un vicepresidente y e posicion aki ta existi den e caso cu no tin un presidente.
Tin un vicepresidente y un vice miembro, si en caso cu e vice presidente no tey presente. Den e caso cu e presidente retira, ta scoge un presidente nobo. Pero door cu aki dos luna toch ta bay tin eleccion nobo di e board, a palabra cu e vicepresidente, cual ta Misier, lo keda den e posicion actual cu e ta y den e aña nobo y den e board nobo, lo wak ken tur ta interesa pa keda eligi como e presidente y vice presidente.
A base di e dragvlak y feedback, di tur e miembronan, lo bay dicidi kende lo bay lidera e board.
E manera con Misier ta wak, ta cu e presidente ta ehecuta loke e board kier. Y si e board a bay di acuerdo riba e punto y strategianan cu lo bay haci den 2019 y Misier tambe ta di acuerdo cu e plan strategico y plan anual, e ora ey Misier ta considera su mes un persona cu lo por lidera e board pa 2019.
Pa otro siman lo bay divulga kende ta e tres personanan lo ta cu lo bay ocupa e puestonan aki. Ta un proceso unda cu tin nan comite y e tin cu bay minister y keda aproba.
Tanten e no ta aproba, segun Misier, no ta bon pa bisa publicamente kende nan ta, pasobra e proceso no ta cla ainda.
