Hoofdagent di polis, Edgar Maduro, trahando den e funcion di “Chef van Dienst” den e districto di Oranjestad ta suspendi atrobe. Ayera mainta un patruya di polis a yega na su cas cu un carta firma pa altocomisario di Cuerpo Policial Aruba, Vanessa Kock, den cual ta prohibie di drenta tur warda di polis of vehiculonan di e cuerpo. E decision aki tin di haber cu un investigacion disciplinario contra dje.
Ta trata aki di un caso cu a sosode como cuater luna pasa, ora cu dos studiante di Xavier University, di nacionalidad Canades, a yega Ward’i Polis deteni. Un patruya cu a bay un asistencia pa un fiesta ilegal den Toque de Queda, a trece nan warda. Ey Maduro a atende cu nan y segun e dos mucha muhenan, cu Maduro lo a papia malo cu nan. Maduro mes a bisa nan cu si nan no ta di acuerdo cu e trato, cu nan por entrega un keho na e departamento di investigacion interno di Cuerpo Policial Aruba, esta Bureau Interne Zaken en Onderzoek (BIZO).
Pa mas informacion y e articulo completo, lesa e edicion di TREMPAN di awe.