Polisnan di Noord a haya yamada cu tin dos cacho bandona na un cas na Bubali. Nan a bay na e adres. Na yegada a drenta tereno di e cas cu no tin cura. Patras pariba di e cas a topa cu dos cacho mara na cadena. E cachonan a ser laga atras pa e doño y esnan cu ta biba eybanda tabata preocupa y a yama Polis. Parce e doño mester a bandona e cas y a laga e cachonan atras.
Polis a acerca e cachonan y a mira cu nan tabata tin cuminda cu a ser laga atras gebolter y awa sushi pa nan bebe. Polisnan a bay na bisiña pa busca awa. Despues a haya awa via e cas mes. A logra cambia e awa. A notifica un instancia di Bestial cu a bisa Polis cu nan lo busca manera di bay rescata e cachonan cu a keda bandona na e cas. Polis a gradici e bisiñanan cu a yuda cu awa. No a topa cu ningun hende na e adres unda e cachonan tabata. Nan tabata mara na un cadena cortico y cu pida cas di palo traha. Berdad e cachonan no tabata den condicion asina bon y saludable.
