For di cuminsamento di siman, Fiscal a laga e sospechoso di maltrato pisa di hende muhe, esta e Polis, Gerardo “Owar” Ardila cu ta traha na Warda di Polis San Nicolas, den libertad condicional. Ta sospech’e di maltrato pisa di su pareha. Mientras cu Ministerio Publico a confirma su libertad, Cuerpo Policia Aruba a emiti un nota bisando cu a prohibi su entrada na tur Warda di Polis mientras e investigacion ta andando. Riba e rumor cu su pareha lo a hala su keho aden, Vocero di Ministerio Publico a bisa cu esey no ta posibel pa ley.
