Diadomingo anochi varios unidad di polis a bay pura den direccion di Esmeralda 59. Segun esunnan biba den vecindario, a mira un Explorer number conoci pa polis cu a baha un hende cu a drenta e cas. E ta un cas bandona pero tabata full muebla. Cu tempo doñonan no a bin Aruba mas y ladronnan a cuminsa plunder e cas.
Bisiñanan a busca tur manera pa sea cumpra e cas of pa e doño haci algo cu su cas. E doño no kier bende y ta escohe pa laga e cas bay perdi. E biaha aki un biaha mas polisnan a yega pa drenta e cas buscando un ladron cu a yega den un Explorer.
E Explorer cu e ladron parce a huy prome cu polis a yega. Polisnan a drenta e cas buscando e ladron pero envano. Bisiñanan ta keda atento pa tur movecion straño den Esmeralda. Lo keda atento pa e Explorer cu ta move rond cu hendenan cu menos bon intencion.
