Despues di un diabierna basta druk, diasabra marduga, pa mas of menos 4:05 am, polis na San Nicolas a bin topa cu un grupo di persona para na nan auto ta bebe y cu musica halto na altura di American Bar. Mirando e hecho cu den algun dia pasa tabatin problema na e mesun luga cu a resulta den tiramento y hasta cu morto, mesora a activa mas patruya pa core cu e hendenan aki, evitando asina cu algo otro por pasa.
Den e dianan aki polis ta haciendo hopi control no solamente den vecindario di dicho bar, pero tur otro caminda na Aruba ya cu a relaha e medidanan di COVID, manera aglomeracion, tocamento y tambe bailamento, cu a haci cu e establecimentonan por haci uzo di nan vergunning keda habri mas laat.
