Diabierna den oranan di atardi a tuma luga un evento hopi special di Cruz Cora. Ta trata di Red Heart Festival. Indra Pereira, hefe di operacion y relacionista publico di Cruz Cora, a conta cu e proyecto aki tin un solo meta; haci e muchanan contento.
Manera ta conoci, diabierna 9 di juli ta ultimo dia di scol y Cruz Cora a organisa un evento pa laga e studiantenan sinti contento. E biaha aki a enfoca riba e districto di San Nicolas, mirando cu a nota e necesidad a aumenta pariba di brug. For di nan oficina situa den Lagoweg nan a prepara y sali pa diferente bario den San Nicolas.
E boluntarionan a pasa den De Vuyst, Sabana Basora, Cura Cabay, Mabon y mas di e barionan pariba di brug. E muchanan ta ricibi un “happy bag” for di e boluntarionan.
Por lo menos binticinco auto cu a sali y reparti cuminda, co’i hunga y mas p’e muchanan.
