Diamars marduga, security di un di e negoshinan den vecindario a bati alarma pa un candela, memey di e edificio di Mango y La Linda parti patras di Caya Betico Croes.
Polis a acudi na e sitio. Sinembargo, mirando cu Brandweer tabata tardando, nan mes a dicidi di paga e candela cu brandblusser.
Tabata trata aki di un candela di yerba seco cu tabata entre e dos edificionan ya menciona, cu dado momento tabata creciendo. Pero e pensamento rapido di e agentenan a haci cu nan a tuma accion mesora, prome cu el a sali fo’i man.
Sigur ta algo heroico di parti di e agentenan cu no a duda y pone man na obra.
