Tabata un dolor di cabes pa polis ora cu nan a bin topa cu un situacion caminda cu un biaha mas nan mester a hala atencion di un chauffeur burachi cu ta pone trafico na peliger, consecuentemente lagando su ocupante na pia.
Tabata diabierna marduga, algo prome cu 1:00 am, patruya di San Nicolas a para un chauffeur cu tabata coriendo zigzag riba caminda.
A logra par’e net dilant’i warda na San Nicolas. E chauffeur a dun’e polisnan un poco dolo’i cabes na momento di suplamento, pero na final, a logra pone supla si pa despues escolt’e paden di warda unda el a haya un cuarto gratis pa e por saca su wayaba.
E ocupante, un dama, a keda na pia. Mirando cu e no tabatin ningun transporte, el a hay’e obliga pa drenta warda tambe hunto cu e chauffeur.
