Polisnan motorisa a subi caya pa asina atende cu e ruta entre Oranjestad y San Nicolas. Kier a garantiza un trafico sigur. Pesey mes nan a controla varios brommer cu tabata riba caminda.
Principalmente motociclistanan cu a bay pa mira parada a bin abou y Polis a para nan. Durante control a keda constata cu varios motociclista no tabata tin documentonan na ordo. Sea e brommer su papelnan no tabata na ordo, of nan mes no tabata tin rijbewijs.
A pidi takelwagen y a hiba tur e brommernan warda. E controlnan aki lo sigui durante e temporada di carnaval. Apart di control riba brommernan, ta controla tambe e consumo di alcohol entre chauffeurnan. Kiermen si ta bay bebe mester mira bon pa no stuur. Finalmente no a registra desgracianan desagradable riba e caminda entre Playa y San Nicolas entre esnan cu a bay mira parada.