Den oranan di atardi a pidi presencia di Polis pura den Companashi. Den Fahrenheidstraat un señora a yega cas y topa un ladron cu kier a drenta.
Ora e ladron a mira cu nan a mire el a busca manera di bandona e cura pura. E señora a yama Polis dunando descripcion di e ladron. Polisnan a yega mesora na e sitio. A cuminsa tambe un buskeda den e area. Asina a bin topa cu un conoci di Polis Dof cu tabata cuadra exactamente cu e descripcion duna. Polis a detene mesora.
A bay cune warda den dogcatcher. E señora a keda di bay hasi denuncia. Dof ta un di e recidivistanan cu tin masha suerte cu husticia. Practicamente tur dia e ta horta y ki ora cu nan gare, rapidamente ta haya bek su libertad.
