Diaranson atardi, den careda di 1:45 pm, polis a presenta na un agencia di importador. Aki nan a confisca un scooter sin papel na ordo.
E agentenan cu a presenta na e sitio di biaha a acerca e motociclista, mirando cu e vehiculo aki no tin plachi di number. A puntr’e pa e papelnan di brommer, pero e no tabatin nada.
No a keda nada otro y e agentenan a pidi pa un takelwagen. Na momento cu e takelwagen a yega n’e sitio, a confisc’e. A hiba e scooter pa warda di San Nicolas, unda ta bay averigua si a hort’e.
