Diasabra den oranan laat di atardi na bahada di solo a drenta informacion cu tin homber coriendo tras di un dama cu machete. Polisnan a bay pura pasobra e yamadanan tabata drenta pa Polis yega rapido. Dos unidad di Polis a yega. Agentenan a haya henter un discusion cu grito na e sitio. Un homber tabata manera loco na e sitio. E no ta razona facilmente. Polis a detene y tambe a bay warda cu un damita. Mirando cu cos tabata mustra basta dificil na e sitio cu famianan etc, a pone cu e Polisnan mes a hinca e homber den e auto di Polis move for di e sitio. Kier a evita e confrontacion y cos bay for di man. Na caminda pa warda e dogcatcher a bin tuma e sospechoso for di e patruya. Djey a hibe warda di Playa y despues cu subfiscal a mire a hibe warda di Shaba. Eynan el a haya un cel.
