Trahadonan di Botica na Santa Cruz a bati alarma diamars mainta. Ora e van di agencia a yega pa baha carga den e area di baha carga tabata tin un Volkswagen blanco sin plachi number riba dje.
Ta un auto RHD. Polis di Santa Cruz a baha mira e auto cu tabata na lock. No por a saca afo kende ta doño di e vehiculo.
Tambe e trahadonan a mira un bicicleta para patras di e Botica. Un Mountain Bike cu no tabata na lock. Polis a pidi pa takelwagen pa transporta e vehiculo pa warda. Asina e zona di baha carga a keda liber pa e van por a staciona eynan.
Polis lo keda pendiente pa saca afo ki mishi e auto Beetle blanco para eynan sin number y na un forma sospechoso. Mescos e bicicleta
