Centraal Bureau Statistiek Aruba (CBS) ta ganado di e premio “Special Achievement in GIS Award 2023” duna door di ESRI. ESRI ta un compania global cu ta lider den software di informacion geografico, e asina yama Geographic Information System (GIS). E GIS ta un sistema cu ta crea mapa cu diferente informacion añadi na esaki.
Siman pasa na San Diego ESRI a entrega premio na diferente pais ganado. CBS Aruba a ricibi e premio “Special Achievement in GIS Award” door di a uza e sistema GIS pa facilita e preparacion di e ehecucion di e “Population and Housing Census 2020” y e publicacion di e resultadonan. Randy van der Biezen y Richard Werleman di CBS a atende e conferencia di usuario di ESRI na San Diego y a ricibi e premio pa CBS Aruba.
Minister Geoffrey Wever ta extende palabra di felicitacion na henter e ekipo profesional di CBS cu e bunita logro aki!
