Diabierna anochi patruya policial a bay pa un adres na Jan Flemming pa un bringamento. Na momento cu polis a yega na e sitio, e pelea ya caba a termina.
E agentenan a baha y a cuminsa puntra esunnan presente kico tur a pasa.
Tambe a puntra si tabatin hende cu kisas kier entrega keho contra otro. Despues di a papia cu nan y di a mira cu e situacion a normalisa, e agentenan a bandona sitio.
