Poeta Olga Buckley a skirbi un poema special tocante di buki. Un poema cu ta expresa kico tur un buki por trece pa e lesador. Biblioteca Nacional Aruba a imprimi esaki riba su marcadornan nobo. Y tur bishitante por haya uno.
Escritora y poeta, Olga Buckley a participa diferente biaha na Festival di Buki pa Mucha y regularmente Olga ta conta storia na biblioteca. Olga ta fundador di Fundacion Bon Nochi Drumi dushi. Un fundacion cu tin como meta stimula lesamento cerca mucha. Olga a traha den enseñansa special pa hopi aña. Un danki di curason pa e bunita poema.
Un buki
Mil soño
Mil maraviya
Mil holo
Mil aroma
Un buki
Mil zonido
Mil melodia
Mil sabor
Mil paladar
Un buki
Mil realidad
Mil experiencia
Olga Buckley
2018
