Diabierna, Pius X tabata tin su eleccion di reina. Cabesante Sheila Tromp-Lazo, tabata tin nan eleccion di kas 1-2, 3-4 y 5-6 y nan tabata tin nan tema di bao di lama. Esaki tambe ta encera e jump up escolar di Dakota.
Ta algo cu a bira super grandi y mayornan a bay all out, segun e cabesante.
Pa loke ta e preparacionnan, nan tin cuater studiante di EPI cu a ofrece nan mes pa encarga cu e organisacion di e eleccion, cual a bay sublime.
E muchanan a train, a splica nan tur cos. Nan a dedica na nan trahe recicla cu a bay hopi bon.
Pius X lo bay sigui cu e tradicion aki. Otro aña Pius X ta cumpliendo 60 aña di existencia y kier bay den mas grandi. E aña aki tabata hopi bon y mayornan tabata sostene e muchanan. E muchanan mes tabata entusiasma y a pidi pa bay stadion. Sigur pa otro aña nan kier bay den grandi.
Tin 12 mucha di tur klas a participa. Siman pasa nan tabata tin nan eleccion di prins cu pancho y e biaha aki nan a eligi nan reina.
Tromp-Lazo a splica cu esaki ta costa scol mesun hopi energia, pero tambe e fondo pa organisa cos pa e muchanan. Pero pensando cu e muchanan kier bay stadion, esaki ta un gasto sumamente grandi. Ta pidi toch e comunidad, pa apoya esaki, apoya scolnan, apoya e barionan pa bin cu esaki bek den eleccion pa tin nos barionan bek den eleccion grandi di Aruba, pa tin nos scolnan bek y pa comercio tambe coopera cu esaki, el a finalisa.
