Awe mainta tempran Polisnan a haya un melding cu tin un vehiculo a wordo haya bandona den area di Weg Kustbaterrij na San Nicolas. E melding a drenta rond di 8.30 di mainta.
A manda patruya di San Nicolas na e sitio y e Polisnan a constata cu e auto probablemente tabata procedente di ladronicia. E Pick-up Nissan dobble cabina no tabatin plachi number riba dje y por a mira cu e wayanan bou di e stuurwiel y e dashboard a wordo manipula, pa nan por a start e vehiculo y bay cun’e. No ta conoci si el a wordo uza pa comete delito of tabata simplemente pa dal un trip cun’e.
