Diabierna birando 12or di merdia a pidi asistencia di polis cu urgencia na un cas den vecindario di Socotoro , pa mas exacto na Panamastraat caminda un persona lo a perde tur conexion cu realidad y a bira extremadamente agresivo.
Den su momento di crisis mental e persona aki a cuminsa kibra tur cos den cas. Bisiña/ amigo di e compleho di apartamento cu ta biba banda di dje a tuma nota di tur locual tabata pasando y a yama polis mesora pa informa y pidi asistencia.
Tin cu remarca cu e mesun persona aki un par di dia atras a comete un acto di violencia contra un cacho cu uzo di arma blanco. Polis di su banda, cu masha cautela a presenta y detene e persona. A transporte warda di polis. Den situacionnan asina ta consehabel pa no purba interveni, pidi asistencia mes ora y laga instancianan tuma over pa asina yuda e persona cu mas sigur mester di yudansa psicologico.
