Den ora di ayera mainta Central di Polis ta haya un yamada cu lo tabata tin un persona masculino no tabata duna señal di bida na Madiki Kavel.
Mesora a manda patruya na e adres menciona y tambe a manda ambulance pa asisti den esaki. Na yegada, paramediconan no por a haci mucho cos pa e persona.
Dr. Texier na e sitio, a constata morto di e cabayero Orlando A.J. Tromp, naci na Aruba dia 26 di September, 1964. Fiscal a laga tuma e curpa den beslag pa asina haci mas investigacion.
A bin resulta cu e persona a fayece door di e slanan cu el a ricibi. Cuerpo Policial ta haci un yamada na comunida cu por sa of mira algo, tuma contacto cu tiplijn na 11141 y asina por yuda resolve e caso lamentabel aki.
Un palabra di condolencia y hopi forsa ta bay na e famianan di e fayecido.
