Hulanda y Colombia ta traha hunto desde aña 1829 y nunca antes un Minister Presidente a yega di bishita e pais di koffie. Ta despues di 189 aña di relacion cu un Minister Presidente ta yega Colombia.
Mark Rutte a bisa cu desde bishita di Rey Willem Alexander y Reina Maxima, e presion pa e tambe haci un bishita oficial a bira mas grandi.
Su prome reaccion di su bishita ta cu el a keda impresiona cu e pais y e oportunidadnan cu tin pa ambos pais. Hulanda desde hopi aña caba ta yudando Colombia den e proceso di paz, tanto politicamente y riba dje economicamente.
Cu e bishita oficial aki, Gobierno di Hulanda a atrae comerciantenan tambe pa participa den e mision comercial na Colombia.
E hecho cu e proceso di paz ta canando bon na Colombia, a inspira no menos di 110 compania cu casi 200 representante a biaha cu e delegacion di Hulanda. Nan a tuma nota di un cantidad di oportunidad pa haci negoshi cu otro.
Na mes momento, Premier Rutte a corda cu historicamente Colombia semper a traha di cerca cu Aruba y Corsou y den esey no tin cambio. Aspectonan turistico y hasta medico ta uni e paisnan den Caribe masha cu Colombia y den esey Reino Hulandes ta masha interesa pa sigui encurasha y desaroya.
Cobertura Powered by Compra Ltd. & Romar Trading N.V.
