Un persecusion basta pisa a caba den un accidente. For di Savaneta a cuminsa intento pa para un auto cu tabata coriendo sumamente iresponsabel riba caminda. Na momento cu a dune señal e la nenga di para y aki a cuminsa un persecucion cu a drenta Pos Chikito, Franse Pas direccion abou. Diferente patruya a uni pa purba para e chauffeur aki. A drenta Dakota via rotonde Tarabana.
A bin caba den Apelsinastraat na Tarabana. Detencion a cay pero tin polis cu a resulta herida levemente.
E auto di e sospechoso a bay dal den e patruya y cuminsa saca huma. A pidi bombero. Pa basta rato e chauffeur a huy pa polis den un auto cu no tabata di dje. Esaki ta e imagennan di momento cu e vehiculo a bin accidenta y a detene e chauffeur na sitio.