Dialuna atardi polis a duna un auto marca Suzuki modelo Swift señal pa para pero sin resultado. A start un persecucion cu a termina den Ierlandstraat. E auto modelo Swift ta numera A-54874 y ta color cora kima. Polis a para e auto y mesora un persona a core sali for di auto y huy pa polis. Pero un hoben a keda atras mirando cu e no a logra huy.
E auto ta registra na un adres den Ierlandstraat mes, pues no mucho leu di unda a para e auto. Tabata pa un simpel control cu a termina cu un bon resultado. A topa cu arma blanco y ora a sigui busca a bin topa cu un arma di candela den auto. Separa di e arma, a topa tambe cu un “bivakmuts”, den e auto.
Ta un tipo di mascara cu ta uza ora di tira atraco. Ta suficiente motibo pa nan detene e hoben cu a keda atras. Pa mas investigacion a notifica e team forensico di Cuerpo Policial y departamento di recherche. Aunke tin algun superior a cuestiona e polisnan di Playa pa cu e control, por conclui cu tabata un persecucion fructifero y cu resultado positivo!
Facebook live link: https://www.facebook.com/24ora/videos/719966766681005/
