Atraco cu supuesto arma di candela den e area di Mabon cu Rooi Kochi. Polis a bin topa cu e auto uza dor di atracadonan. E criminalnan a baha na pia y perde den mondi.
Den careda di 10:00PM ta pidi presencia di polis cu urgencia na Rooi Kochi pa un atraco cu a tuma luga cu arma di candela.
Famia a pasa den un trauma grandi na momento cu por lo menos 7 atracadonan a drenta nan cas y pone arma na cabes di victima. Nan a logra bay cu varios articulo como tambe boter di alcohol.
Por a compronde cu a “crank” e arma aki cu hopi mal intencion. Testigo a conta cu segun e, e arma cu a usa tabata un “Glock”.
Mes ora a pidi practicamente tur unidad di polis pa cuminsa un buskeda mes ora pa e sospechosonan aki cu a hui for di sitio den un auto (Chevrolet Aveo A- 63461) cu a tuma direccion abou.
Den area di Sero Patrishi a duna indicacion cu a start un persecucion despues cu a localisa e vehiculo cu nan a laga bandona atras, despues cu polis a para e vehiculo na rotonde di Paradera. A compronde cu dos sospechoso lo a drenta mondi perde sconde eyden.
Un buskeda intenso a tuma luga den henter e area di Sero Patrishi, Tanki Leendert, San Barbola y Watty Vos Blvrd pa asina purba localisa e sospechosonan aki. Te na momento di e comunicado aki, no a encontra ningun splospechoso.