Gobierno Hulandes lo propone un prohibicion total di vuurwerk pa e aña aki
E gabinete kier un prohibicion completo di vuurwerk prome cu e proximo fin di aña. Fuentenan na Den Haag a informa NOS di esaki.
Ta bisa cu lo discuti e prohibicion mañan pa MCC, e ministernan envolvi den e coronaraad. E gabinete kier dal e paso aki pa diabierna.
E gabinete tambe ta discutiendo un pakete di sosten pa e sector. Segun informacion, ta pone decenas di miyones disponibel. E gabinete no kier publica e decision riba e prohibicion total te ora cu a elabora mas riba e medidanan di apoyo.
Reduci e presion riba e cuido
Alcalde y gobernantenan di e regionnan di siguridad a pidi e politiconan siman pasa pa propone un prohibicion temporal relaciona cu e crisis di corona. Esaki ta alivia e presion riba hospital y e trahadonan di asistencia y ayudo.
“Lo ta un cambio di aña algo incierto. Naturalmente, ningun hende sa exactamente unda nos lo ta pa e momento ey,” e presidente Bruls di e Conseho di Siguridad a bisa na e momento ey. “Pero e medidanan aki lo yuda duna algo di trankilidad.”
E trahadonan di cuido y otro proveedornan di cuido a pidi previamente na politiconan pa yega na un prohibicion total. GroenLinks y Partij voor de Dieren tambe a pidi gobierno pa introduci un prohibicion temporal di vuurwerk relaciona cu e coronacrisis.
Si vuurwerk pa mucha, manera strea, tambe ta prohibi, ta sigui ta un tema di discusion, segun fuentenan.
Preocupacion pa efectonan secundario
VVD, cu antes ainda no tabata convenci, awo parce ta acepta un prohibicion. “Debi na e carga di atencion y polis durante coronacrisis,” miembro di Parlamento Ziengs ta bisa.
Sin embargo, e partido kier analisa detenidamente e condicionnan previo, manera e compensacion di e comerciantenan di vuurwerk, cu hopi biaha ya a haci inversion. Segun VVD, ta trata di importacion di 60 pa 70 miyon di euro.
VVD tambe ta preocupa pa e efectonan secundario di e prohibicion. “Kico pasa si kita e salida aki di hende? Lo bo no anima e hendenan indirectamente pa haya e cosnan for di exterior? E gabinete tambe lo mester bisa algo al respecto,” Ziengs a bisa.
