Diferente unidad di polis den accion na momento cu a informa di un pelea na La Salle College. Algun hoben a bin agredi un studiante di dicho scol.
Dialuna atardi, aproximadamente 3:00 pm a pidi presencia di polis na La Salle College pa un pelea cu a tuma luga eynan. Na sitio por a tuma nota cu e pelea mes a caba pero cu a indica ken ta e agresor, e vehiculo cu e ta encontra su mes aden y ki direccion el a tuma.
Patruyanan a activa mesora y a cuminsa un buskeda pa un Mitsubishi shinishi den e area. Algun minuut despues a indica di a topa cu e vehiculo den Mandolinstraat na Dakota. A baha tur ocupante for di auto y un rato despues a haci detencion di e agresor envolvi.
Afortunadamente no a menciona uso di arma.
