Clifford Edwards tin un Black Belt den Brazilian Jiu-Jitsu. El a dedica su mes na e deporte como hoben na edad di 17 aña. El a cuminsa train na Idefre Sports cu James Verschuur. Despues el a bai Hulanda pa studia Business Management y a continua su training den Brazilian Jiu-Jitsu. Asina el a sigui desaroya den e deporte y a biaha full rond di mundo pa competi. Un par di e paisnan caminda el a competi tabata entre otro Brazil, Merca, Inglatera, Francia, Abu Dhabi, Alemania, Belgica y Italia.
Diasabra 18 di September Clifford a logra bira campeon Black Belt na AJP Tour Netherlands National Pro, cu ta un di e competencianan mas grandi cu tin na Hulanda cu participacion di varios nationalidad di rond di mundo. Den e competencia el a logra ‘submit’ su oponente y esaki a pone cu su oponente mester a tap.
Fuera cu e ta competi na e nivel mas halto cu tin, Clifford ta focus tambe riba su gym cu jama Jiu Jitsu Labs. Aki e ta comparti su conocemento di Jiu Jitsu. Su deseo ta cu via su logronan e por inspira mas Arubiano tambe yega leu den e mundo di Brazilian Jiu-Jitsu y otro arte marcial. Si acaso ta interesa pa mira mas di Clifford su trayectorio den Brazilian Jiu-Jitsu, por bay riba su pagina di instagram @clifco y di su negoshi Jiujitsulabs @jiujitsulabsnl.
