Dialuna ultimo a tuma luga un Santo Sacrificio di Misa na Santa Filomena na Paradera na ocasion di e celebracion di 25 aniversario di Pastor Toti Fuentebella como sacerdote. Tabata un ceremonia masha elocuente y yena di emocion, pa tur e añanan cu e pastoor a dedica na bida spiritual.
Misa di Paradera tabata yena di debotonan, cu aunke mester tene nan mes na distanciamento social y reglanan di DVG, toch a pasa mustra aprecio pa e sacerdote. E fielnan catolico a expresa despues di misa di ta spera di mira Pastor Toti pa hopi aña mas cu nan den parokia.
