Aña pasa na juli a inaugura e Centro di Control di Cacho na Wayaca, cua ta un di e prome pasonan di ehecucion di e plan nacional. Un plan hopi ambicioso y poco poco ta logrando, no obstante e retonan enfrenta manera e pandemia.
Awo, casi un aña mas leu, e centro a haya su vehiculo di control pa e Unidad di control di cacho, unda cu lo controla e cumplimento di stipulacionnan di ley pa e doñonan di cacho y den dado caso, tuma medidanan necesario.
Tur esaki ta den un cooperacion estrecho entre Cuerpo Policial y Bureau City Inspector.
Prome Minister mr. Evelyn Wever-Croes y Minister di Husticia mr. Andin Bikker tabat’ey presente durante e develo di e unidad di control y a duna un relato breve pa loke ta e uzo di e vehiculo aki.
UZO DI E VEHICULO
Na momento cu un cacho cu ta mustra di no tin un doño ta gara den areanan publico, cu e vehiculo aki lo transport’e pa e Centro di Control di Cacho na Wayaca y lo anuncia e hecho aki den prensa, caminda cu ta duna e doño e oportunidad pa reclama e cacho. Si en caso cu no bin reclamo, conforme ley, lo pone e cacho pa adopcion.
UN COMPROMISO
Segun e prome mandatario, a pone esaki como un compromiso pa atende cu e problema serio di cacho riba caya. E centro mes ta un culminacion di trabaonan haci conhunto den sector publico y NGO’s y no ta algo cu gobierno por a haci su so.
A hacie hunto cu tur esunnan cu tin un curason special pa mascotanan, como tambe hopi profesional pa por a logra esaki. E no ta algo facil, pero a logr’e, e prome mandatario a enfatisa.
A hacie hunto cu tur esunnan cu tin un curason special pa mascotanan, como tambe hopi profesional pa por a logra esaki. E no ta algo facil, pero a logr’e, e prome mandatario a enfatisa.
