Dios tin su forma pa papia cu hende y hala atencion, cu hopi biaha hende no ta nota cu ta Dios ta papiando.
Cinco mil homosexual a bishita nos isla, manera nan mes a propaganda, pasobra hopi biaha hende tin deseo inmoral y perverso. Y nan mes no sa kico nan kier of hopi biaha tin cos scondi cu Dios kier saca na cla, cuanto deseo pa inmoralidad tin riba e isla.
E tabata un bishita completamente for di respet tanto pa autoridad como pa famia y hasta pa e muchanan. Y e pueblo a keda manera indefenso, mientras cu bagamunderia ta domina.
Probablemente e bishita tabata pa comercio, pasobra esey ta e pensamento cu nan lo bini y trece placa. Pero na final a resulta cu nan a bin trece un berguensa y falta di respet pa tur esunnan cu tin respet pa Dios y nan famia.
Pero locual a keda demostra ta: Con leu hende por yega ora nan no tin Cristo Hesus den nan curason, ora hende rechasa Dios, laga orguyo y arogancia domina.
Manera Señor tabata puntra e pueblo aki, ta esaki ta locual boso kier. Pasobra hopi biaha nos ta haci oracion pa un horcan pasa bay, pero e bishita aki a trece un horcan di inmoralidad riba nos isla.
Kico ta e bishita ta nifica pa nos, esey dia y tempo lo demostra, pero e no ta nada bon. A keda demostra cuanto necesidad di e evangelio di Dios tin riba e isla aki, y cuanto hende su curason a aleha for di Dios. Cuanto falta di respet pa Dios ta existi y con tin e cosnan ta wordo prepara den secreto contra moral, y respet riba e isla aki.
Pasobra mientras cu nos ta drumi, maldad ta avansando, pasobra mester tabatin organisado riba tera. Pa esunnan cu ta riba lama por yega y haci nan maldad y bay sin cu ningun hende por a bisa nada di nan comportacion.
Hopi biaha nan ta kere cu ta Iglesia ta contra, pero ta e furia di Dios ta wordo lanta. Y e presencia di Dios ta aleha (Romanos 2:5).
E ta para skirbi kico lo pasa cu hende cu rechasa Dios:
Pasobra maske cu nan tabata conoce Dios, nan no a honr’e como Dios, ni a duna gradicimento,ma a bira inutil den nan speculacionnan. Y nan curason bobo a bira scur. Profesando di ta sabi, nan a bira bobo y a cambia e gloria di Dios incoruptibel pa un imagen den forma di hende coruptivo.
P’esey tambe Dios a entrega nan na impuresa den e pasionnan di nan curason, pa nan no a honra nan mesun curpa. Pasobra nan a cambia e berdad di Dios, pa un mentira y adora y sirbi e criatura en bes di e Creador, kende ta bendiciona pa semper.
Di e mesun manera e hombernan a bandona nan funcion natural di muhe y a kima den nan pasion un pa otro.
Homber cu homber ta comete actonan indecente y ta ricibi den nan mes persona e castigo pa nan eror (Romanonan 1:21-32). Esaki ta un parti locual nos a mira diaranson 8-2-2023 caminda hende cu falta di conocemento y falta di respet pa Dios a permiti. Pa complace cu inmoralidad, pa alimenta y apoya esunnan cu no ta respeta Dios.
Dios tene misericordia di tur esunnan cu e diabel a uza como piedra di trompica y laga nan yega na arepenti, y un conocemento berdadero di Dios. Awor ta e tempo pa haci oracion y evangelisa mas cu nunca, pasobra locual cu sosode ta simplemente tristo. Tambe un falta di respet pa Dios y henter nos poblacion.
