Benito Helder ta sumamente disgusta cu AZV. Despues di a contribui pa añanan largo na fondo di Social Verzkeringsbank (SVb), awo cu e mester haci uzo di esaki, e no ta haya ningun ayudo. Ta resulta, segun SVb, no por cubri su dianan di malesa.
E tabata sinti su mes malo na trabou continuamente y ora cu e no por a wanta mas, a bay dokter cu a mand’e un specialista. Su estado di salud tabata serio cu e specialista a pone pa oper’e mas lihe posibel.
E pashent aki ta participa ainda den e proceso labor pero pa su sorpresa, aunke cu e ta paga e prima tur luna, awo SVb no kier cumpli
cu ne.
Ta siman pasa el a opera su tripa y no por traha ainda. SVb a bis’e caba cu no ta bay paga e dianan cu e ta AO. Nan ta mand’e di cashi pa
muraya pero un contesta fiho e no ta haya. Simplemete ta bis’e cu esey ta ley di SVb. Ela pidi cita cu hefe pa nan dun’e un splicacion cu e
ta compronde, pero e no ta haya ni contesta.
E ta pidi publicamente p SVb tuma contacto cu ne mas lihe posibel pasobra e no por perde e dianan aki mientras cu e ta balo di berdad y
no por traha. College van Beroep no ta funciona, pasobra no ta contesta obhecion.
E unico cos cu e ta desea ta pa nan paga su dianan di AO.
