Diahuebs 27 di October 2022 Partido AVP a brinda asistencia p’e yenamento di formulario di Impuesto n’e comunidad di San Nicolas na YMCA. For di 7or te cu laat anochi e team di boluntario di Partido presente na YMCA SAN NICOLAS a asisiti e comunidad di San Nicolas cu yenamento di e formulario di impuesto 2021 (Inkomestenbelasting).
Lider di Partido mr. Mike Eman tabata presente atendiendo y scuchando Pueblo di San Nicolas na YMCA hunto cu coleganan y voluntarionan Mike de Meza, Mervin Wyatt Ras, Dennerich Kelly, rumannan Wendrick y Wendert Cicilia y Frits de Palm. Lo tin algun anochi mas di asistencia cu papela di Belasting. Eman a gradici e colaboradornan y pueblo di San Nicolas p’e confiansa.
Desde e luna di September Partido AVP a inicia cu anochi di asistencia p’e yenamento di e formulario di Impuesto na Cas di Partido Playa. For di tur skina di Aruba e ciudadanonan a asisti na Cas di Partido pa asina ricibi ayudo cu nan formulario di e ekipo di experto boluntario. Un centenar di ciudadano a bin Cas di Partido playa pa ricibi asistencia e ultimo simannan tra’i lomba y a yena un centenar di formulario di impuesto. Partido AVP ta contento cu e reaccion di nos comunidad y ta purba pa mehora e servicio cada aña pa asina por sigui asisti nos ciudadanonan.
Diahuebs awo, 3 di november 2022 Partido AVP lo sigui brinda asistencia p’e yenamento di formulario di Impuesto un biaha mas na Cas di Partido, Playa.
E documentonan necesario cu lo mester trece ta resumen di entrada pa aña 2021 (Loonopgaaf), e cartanan di interes di hypotheek (APFA, FCCA OF BANCO), carta di interes di prestamo personal (BANCO, ISLAND FINANCE OF TOTAL FINANCE), recibo of comprobante di gasto extaoridanrio y adicional (CUIDO MEDICO, ESTUDIO y GASTO IREGULAR) efectua den e aña 2021.
E ultimo fecha pa entrega e formulario na departamento di impuesto ta 3 di decemeber. Partido AVP ta haci un invitacion cordial na tur ciudadano cu ainda tin necesidad di ayudo, pa asisti diahuebs 3 di november pa 7:00 pm na Cas di Partido.
