Un keho cu semper tabatin ta cu no ta duna tempo pa studia presupuesto cu ta e ley mas grandi cu Parlamento ta atende. Y p’esaki a duna casi un luna pa studia y haci pregunta. Ta spera di haci bon uzo di e tempo pa por a papia cu stakeholders y tambe yama reunion di comision pa por ta bon prepara.
TRATAMENTO DI PRESUPUESTO
Tratamento ta cuminsa dia 30 di maart 2022 pa 9:00 am. Manera acorda den senioren convent lo tuma 5 dia pa trata esaki unda cada dia lo tin dos minister y lo tin espacio pa di 5 dia den caso di cualkier tardansa y unda lo uza e dia pa caba y bay na votacion. Intencion ta pa no bay tur dia demasiado largo y sigur si tur hende ta na ora pa cuminsa mainta, despues di schorsing y ta eficiente cu nan tempo lo por termina tur dia redelijk. Tur e 4 dianan cu tin dos minister cada parlamentario ta haya 30 minuut parti den 20 minuut prome ronda y 10 minuut di dos ronda unda en total cada un tin 120 minuut(2 ora) pa hiba nan betoog.
Awe lo tey den parlamento minister Rocco Tjon y minister Glenbert Croes.
Despues lo trata minister Dangui Oduber y minister Ursell Arends.
Dia 3: Minister Endy Croes y minister Geoffrey Wever y por ultimo dia 4: minister Xiomara Maduro y Prome Minister Evelyn Wever-Croes.
POR LO MENOS 1140 PREGUNTA HACI
En total tur fraccion hunto a haci un total di 1140 pregunta n’e diferente ministernan. Fraccion di MEP ta e fraccion cu mas pregunta cu 525 (46%), fraccion di AVP cu 382 (33,5%), fraccion di Accion 21 cu 183 (16%), fraccion di MAS cu 33 (3%) y fraccion di Raiz cu 17 (1,5%).