E Corsair Grand Touring nobo di Lincoln a yega Aruba, treciendo p’e cumpradonan un SUV di luho cu un opcion hibrido, ofreciendo rendimento, caracteristica y tecnologia cu ta exclusivamente di Lincoln.
“Corsair Grand Touring ta probecha e creciente impulso di Lincoln y ta basa den nos compromiso cu electrificacion,” segun presidente di The Lincoln Motor Company, Joy Falotico.
“Cu e incorporacion di Corsair Grand Touring, awo nos tin un famia di SUV cu ta distintivamente Lincoln pa cada cliente.”
PROME ‘DUAL POWERTRAIN TECHNOLOGY’ DI LINCOLN
Un motor di gasolin di 2,5 liter di cuater cilinder, specialmente diseña y un tecnologia hibrido avansa, ta traha pa ofrece un aceleracion sin esfuerso den e modelo nobo di Corsair Grand Touring. Esaki ta complementa cu e prome ‘all-wheel drive’ di Lincoln, un primicia den su segmento.
E powertrain hibrido di Lincoln Corsair Grand Touring ta forma pa un motor di gasolin di cuater cilinder y Atkinson-cycle di 2,5 liter y un motor sincrono di magnet permanent cu un potencia combina di 266 horsepower, segun e calculonan realisa pa Lincoln mediante simulacion di computer. E configuracion di tecnologia hibrido aki combina cu un all-wheel drive electrico tin un autonomia calcula pa EPA di 45 kilometer.
Cu e transmision variabel continuo di PowerSplit, dos motor electrico ta traha hunto pa proporciona un experiencia di stuur extremadamente suave. E adicion di e all-wheel drive ta impulsa e wielnan patras y ta brinda rendimento y capacidad den e situacionnan unda cu tin mester di e poder riba tur cuater wiel.
E hybrid powertrain avansa ta provee un paso dilanti den e marca Lincoln, ofreciendo un aceleracion sin esfuerso y capacidad di traccion total. E salida suave ta haci di e Corsair Grand Touring un SUV potente, balansa y facil pa core.
E modonan pa stuur di Lincoln ta permiti e conductornan personalisa e experiencia di e Corsair Grand Touring. E modonan standard ta inclui Normal, Conserve, Excite, Slippery y Deep Conditions, cu cada moda completamente integra – e clientenan simplemente ta haci e seleccion y Corsair Grand Touring ta percura p’e resto. Dos modo adicional ta specialmente ahusta pa mehora e biahe. Nan ta inclui:
Preserve EV, cu ta recharge y ta warda energia di e bateria pa un momento despues, mientras cu ta sigui uza tanto e motor como e propulsor pa ofrece tur e rendimento cu e chauffeurnan ta spera; e bateria di voltahe halto cu por encarga te cu un 75 porciento mientras cu ta stuur den e modo aki.
Pure EV ta diseña pa mantene e chauffeur den un modo totalmente electrico den hopi condicion; si e demanda ta supera e capacidad electrico, e motor hibrido ta conecta sin problema pa proporciona potencia adicional.
Santuario p’e sentidonan
Ya cu silencio ta primordial, e diseñador y e ingenieronan di Lincoln a obsesiona cu cada detaye pa crea un santuario p’e sentidonan den e Corsair Grand Touring. E powertrain electrico di e Corsair ta mehora su cabina silencioso.
E materialnan adicional di cu ta wanta e zonido entre e compartimento di e motor y e cabina ta contribui na e biahe silencioso di e Corsair. E Active Noise Control ta mehora e calidad di zonido en general mediante e uzo di microfon poni strategicamente den henter e cabina pa haya e frecuencianan specifico cu ta contribui n’e desordo y cancela nan.
SUV Corsair Grand Touring ta inteligentemente empaketa p’e capacidad interior y e espacio di almacenamento ta ahusta n’e estilo di bida activo di e clientenan. E asientonan cu ta slide den e di dos rij ta ofrece su movecion te cu 15 cm y un opcion fold-flat of split-bench 60/40. Cu e asientonan den posicion totalmente delanta y cuater pasahero abordo, e Corsair por acomoda cuater set di palo di golf of hasta cuater piesa di maleta di tamaño completo. E alohamento avansa di e bateria abao na vloer den e Corsair Grand Touring ta permiti tur beneficio di un powertrain electrico mientras cu ta maximalisa e espacio pa ekipahe y ‘legroom’.
Un grill unico cu e strea di Lincoln den Spirit Blue ta diseña pa duna e Corsair Grand Touring un reconocemento instantaneo. E colo Spirit Blue adicional den e insignia, hunto cu e tirenan exclusivo di 19 inch tambe ta contribui na su aspecto distintivo.
TECNOLOGIA PERSONALISA
Corsair ta ofrece un gran cantidad di caracteristica di asistencia n’e chauffeur standard y disponibel. Lincoln Co-Pilot 360 ™ 1.5 standard ta inclui asistencia di precolision cu un automatic brake di emergencia, Blind Spot Information System, Cross-Traffic Alert cu braking, Lane-keeping System, rearview camera y auto high beam headlamps. Un actualisacion disponibel, Lincoln C-Pilot 360 1.5 Plus, ta añadi e Adaptive Cruise Control, Evasive Steering Assist, Reverse Brake Assist y Active Park Assist 2.0.
E Lincoln Corsair Grand Touring hibrido nobo ya ta disponibel na Aruba, a traves di e dealer exclusivo di Lincoln, Yrausquin, situa na LG Smith Boulevard 112 na Playa.
CELEBRACION DI 70 AÑA
Fuera di e presentacion di e Lincoln, Yrausquin ta celebrando 70 aña di existencia. E ta algo cu e di tres generacion ta sumamente orguyoso di dje, segun gerente di benta Christina Yrausquin. El a conta cu 70 aña pasa nan defunto welo, Ruben Yrausquin a cuminsa cu Ford y Lincoln na Corsou.
Y awo nan ta celebra e hecho aki. Cu hopi orguyo e di tres generacion ta celebra esaki, cual ta un hecho hopi bunita, el a conta.
Di parti di famia Yrausquin ta invita tur cu ta buscando un auto diferente, pasa na Yrausquin of bishita nan website of tambe nan pagina di Facebook.
