Dennison Oduber a prepara tur cos adelanta pa durante e concierto di Silvestre Dangond, precisamente ora ta cantando e cancion “Casate conmigo” pa e pidi su pareha pa casa. E aña aki precisamente nan ta celebra 15 aña cu otro. Dennison a bay na rudia dilanti nos colega Ichelle Simon y a pidi’e pa casa. Cu awa na wowo el a contesta cu “si”.
E pareha tin hopi aña cu otro, bibando cu otro y tin un yiu muhe. Awor a yega asina leu cu a opta pa oficialisa nan amor. Y a dicidi di haci’e den gran forma, durante pleno concierto diabierna anochi.
Ichelle Simon ta un cara conoci, siendo ex presentado di Noticia Awenochi na ATV y awendia cu masha frecuencia sa presenta storianan y haci cobertura bibo pa 24ora.com. E ta cabando cu su estudio di ley na Universidad di Aruba.
Pabien Dennison y Ichelle….nos ta cla pa fiesta!