Un poco despues di 11’or di mainta un señora na Mahuma a haya un susto grandi na momento cu cachonan Rottweiler a drenta su cura.
Segun por a compronde eybou, e señora tin tres cacho chikito cu tabata hunga den cura. Dado momento tres Rottweiler di bisiña a bula den cura. Esaki a causa un susto grandi cerca e señora, kende a pensa cu nan ta bay ataca e cachonan chikito.
Pa defende su animalnan el a pasa man cu un pida palo pa core cu e Rottweilernan, kendenan a bula riba dje. Un susto hopi grandi e señora a haya. Nan a pidi ambulance na e sitio pa atende cu e señora kende a haya varios rasca na su bil ora cu nan a bula riba dje. Polis cu a yega na e sitio a papia cu ambos partido mientras cu Paramediconan a atende cu e señora.
