Hende ta busca diferente forma pa gaña otro persona, incluso comerciante. Esey ta loke a pasa cu e compania You Count Administration & Consultancy.
Frencil S. Wawoe, kende ta un masculino y ta presidente di Celebrities ABC/Influencer, a manda un carta p’e compania menciona. Aki el a pidi pa donacion. Den e carta el a informa di bay haci un Awards pa premia hende special cu no ta reconoci of no ta haya exposicion na Aruba. tambe cu e ta haci esey caba tanto na Boneiro como Corsou. Esaki tabata e prome pidi di engaño haci na You Count Administration & Consultancy.
Tin hopi hende di bon curason y den e caso aki You count Administration & Consultancy a dicidi di yuda, pero Wawoe a gaña. El a pidi bao un storia pa haci uzo dje letterhead etc. di e negoshi, pasobra e awards ta bay yama You Count Awards. Aki ta unda cos a bay robes, pasobra e ta mal uza logo dje compania.
E ta cana rond Aruba y pidi placa/donacion pa e Awards aki. E carta cu Wawoe ta uza enberdad ta di e compania administrativo, pero desde un principio el a ganja nan. Ta haci un peticion na tur negoshante y persona priva pa No duna Frencil Wawoe di Celebrities ABC placa. Tambe You Count Administration & Consultancy no ta para responsabel pa e actonan di e meneer aki.
E ta haciendo uzo dje logo di compania You Count Administration & Consultancy y carta pa pidi donacion. E ta haci tur esey den nomber dje compania menciona. P’esey ta pidi tur negoshante pa no duna Frencil S. Wawoe placa, pero pa tuma contacto di biaha cu You Count Administration & Consultancy sea via e-mail of telefon na 5936539. You Count Administration & Consultancy ta un negoshi serio y respetabel cu ta atene na tur ley concerni.
Loading…
Reload document 
Open in new tab 
