Den luna di october The Ritz-Carlton, Aruba y Aruba Marriott Resort a invita un total di 100 asociado femenino den posicion ehecutivo pa un segundo evento di “Women Let’s Talk 2.0.” E programa anual di “Women Let’s Talk” ta un sesion special pa tur ser femenino caminda cada sesion ta enfoca riba diferente tema, e tema di e aña aki tabata “Career Path.”
Den ballroom di The Ritz-Calton, Aruba, dirigi pa e maestro di ceremonia Milouska Briezen, Destination Manager na The Ritz-Carlton, Aruba a duna un gran bon bini na e invitado-, panelista- y oradornan. Steven Redkoles, Area General Manager, a inicia e sesion elaborando riba e tema di desaroyo di e ser femenino den un compania como tambe e compromiso cu e compania tin pa sigui obtene e presencia di e ser femenino den e posicionnan ehecutivo.
Un total di dos orador y tres panelista a elabora den nan perpectiva riba e tema “Career Path” durante e foro. Antoinette van de Berg, un ser femenino Rubiano den posicion clave cu e compania Marriott International siendo e VP Sales & Distribution Operations at Marriott International. Antoinette a comparti durante su discurso su experiencia durante e aña nan di su carera, cuminsando na un edad hoben den e industria hotelero y durante aña a haya diferente oportunidad pa sigui expande den su carera, banda di tur otro responsabilidad personal, siendo casa y mama. Na final Sra. Antoinette a entretene e participantenan cu cinco punto importante cu a yud’e den su trayectorio. E Segundo orado durante e programa aki tabata Rosabelle Illes, Assistant Professor na Universidad di Aruba. Rosabelle a sa di captura tur invitado nan atencion na e manera di conta su experiencia cual tabata traves di un storia, lagando un bunita mensahe atras na cada un di e damanan presente, “..”.
E programa a continua riba e topico “Career Path”, unda a elabora riba e strategia nan pa un persona por tin mas aprecio pa nan trabou, con pa inspira un hende muhe pa por expande den nan carera y crea oportunidad. Un grupo di tres panelista, Louella Brezovar, Hotel Manager na The Ritz-Carlton, Aruba, Claudia Rodriguez, Hotel Manager na Aruba Marriott Resort & Stellaris Casino un cara nobo den e industria hotelero na Aruba, conhunto cu Raoul Lemmering, General Manager na Aruba Marriott & Stellaris Casino a ricibi diferente pregunta riba e tema “Career Path”. Brezovar a conta di su mesun experiencia como un hotelero pa mas di 35 aña y comparti su conseha na nos futuro lidernan femenino. Rodriguez a comparti e importancia di tin un mentor den un trayectorio como un lider, y na final Lemmerling a comparti su pensamentonan riba e pregunta kico ta e beneficionan di tin e ser femenino como un lider.
Redkoles a clausura e sesion splicando e importancia di e ser femenino den un compania, y a expresa su palabra nan gradicimento na tur dama cu tabata presente, y na e organisadonan Altagracia Lampe, Director of Human Resources Operations, cu a haci e sesion di “Let’s Talk 2.0” uno exitoso. The Ritz-Carlton, Aruba ta sumamente satisfecho pa sigui brinda un programa imersivo y inovativo pa tur e damanan ehecutivo pa por crece como profesional y sigui expande Aruba su industria hotelero. The Ritz-Carlton, Aruba ta gradici Elite Production y The Perfect Team pa nan colaboracion pa cu e evento di Let’s Talk 2.0
