Revista Global Finance a nombra Royal Bank of Canada como e miho banco priva di Caribe pa di dos aña consecutivo. Tambe RBC a obtene e premionan local como e miho banco priva na Bahamas y Barbados. Global Finance ta selecciona periodicamente e miho resultadonan entre e banconan y otro proveedo di servicio financiero. Dicho premio a converti den un standard di excelencia confiabel p’e comunidad financiero mundial.
“E victoria aki ta sirbi como ehempel di un enfoke colaborativo, innovado y centra riba e cliente pa ofrece solucion diferente cu ta bay mas leu cu banco tradicional pa nos clientela di banco priva,” segun Dwight Burrows, vice presidente regional di Banco Priva pa Caribe.
“Nos ekipo di Banco Priva ta esforsa pa probecha e habilidadnan y experiencia cu ta bin di forma parti di un di e institucionnan mas grandi y solido di mundo. Tambe esaki ta demostra nos capacidad di resistencia y e exito di sali di un pandemia mundial. Nos kier felicita tur nos trahadonan di e banco p’e logro aki y tambe ta manda palabra di gradicimento sincero na nos clientenan cu a deposita nan confiansa den RBC”.
E comite di revision editorial di Global Finance a selecciona e ganadonan di e aña aki basa riba e aporte di analista di sector, ehecutivo corporativo y experto den tecnologia cu a valida e experiencia comercial y e servicio excepcional di RBC den e espacio aki.
RBC den Caribe
Cu mas di 110 aña di servicio dedica n’e region, RBC ta presente den 10 pais y teritorio, cu 38 sucursal y mas di 3.000 trahado cu ta atende casi un miyon cliente. Como un di e companianan principal di servicio financiero diversifica di Caribe, RBC ta ofrece servicio di banco personal y comercial, maneho di patrimonio, banco corporativo y di inversion, maneho di fondo di seguro y activo pa un base di clientela amplio. Esaki ta inclui cliente particular, compania chikito, entidad comercial en general, corporacion regional y multinacional como tambe gobierno.
Tocante RBC
Royal Bank of Canada ta un institucion financiero global cu un enfoke impulsa pa su principionan pa ofrece un presentacion estelar. Nan exito ta bin di e mas di 86.000 trahado cu ta probecha nan imaginacion y conocemento pa duna bida na e banco su vision, balor y strategia, di manera cu por yuda nan clientenan prospera. Como e banco di mas grandi di Canada y un di e grandinan na mundo pa capitalisacion di mercado, nan tin un modelo di negoshi diversifica centra den innovacion y den ofrece experiencia excepcional na nan 17 miyon di cliente na Canada, Merca y 27 otro pais.
