ANSA NV kier amplia e maneho of e control di espacio aereo cu ta toca Aruba. Nilky Kock ta director di ANSA NV y a conta cu na cuminsamento di 2015 tabata tin un combersacion, un reunion entre e minister encarga di transporte di Corsou, e tempo ey, Camila Romer, y tambe e minister di Aruba encarga cu transporte di e tempo ey y nan a reuni riba diferente topico cu ta regarda e cooperacion entre Corsou y Aruba riba tereno di transporte. Un di e puntonan cu nan a touch, ta e espacio aereo y cooperacion riba e tereno eynan.
Den e cuadro eynan, entre otro Gobierno di Aruba a comunica na gobierno di Corsou cu e deseo di pais Aruba pa una bes cu e proyecto di radar ta cla, pa cuminsa tambe e ora cu e combersacionnan pa wak hunto e posibilidadnan pa expande nan trafico aereo. Via un carta, Gobierno a haci e punto di bista aki conoci na Corsou oficialmente. Entre tanto nan ta dos aña mas leu y na September a cuminsa oficialmente duna e servicio di radar, surveillance y awor aki e controllernan ta den training bao di un guia di un OJTI pa un inspector certifica di Departamento di Aviacion Civil. E idea ta cu mas of menos e trayecto total lo dura mas of menos 5 luna. E ta un proceso hopi estricto cu rekisitonan cu e departamento a pone, pa loke ta e cantidad di oranan cu e controladornan di trafico aereo mester tin como experiencia, trahando bao di guia di un OJTI, pa nan por haya nan certificacion como controller. En total ta calcula cu pa e controladornan, pa Januari of Februari, ta calcula, si tur cos bay segun planning, cu nan lo ta certifica e ora. Nan lo check out y lo wordo certifica como Radar Controller. Desde e momento eynan por bisa cu e proyecto di surveillance por considr’e definitivamente como un proyecto finalisa exitosamente. Desde e momento ey tambe por bisa cu ta cumpli cu e punto cu a wordo poni riba mesa door di Gobierno di Aruba, cu na momento cu yega na e punto eynan lo cuminsa inicia e combersacionnan. Loke tin cu bisa cu e combersacionnan lo ta riba nivel di Gobierno. Palabracionnan riba e espacio aereo, como ANSA y e contrapartenan na Corsou cu ta DCNSP (Dutch Caribbean and Navigation Service Provider). Nan por haci palabracionnan riba nivel di organisacion pa loke ta cooperacion, pa loke ta coordinacion, mehoracion di e funcionamento di ambos compania den e relacion cu nan tin cu otro, pero ora cu ta papiando di un ampliacion di un espacio aereo, esey logicamente ta riba nivel di Gobierno mester yega na otro, mester yega na palabracionnan y despues di esey e Air Navigation Service Provider di cada pais mester werk’e uit y ehecut’e.
Beneficio
Kock a splica cu ta un cuestion cu a plantea riba nivel di Gobierno. E intencion aki a wordo plantea y awor aki e punto cu a bisa cu Gobierno a comunica na Gobierno di Corsou, una bes cu e sistema di surveillance ta in place y operacional, lo inicia e combersacionnan y ta yegando na e punto eynan. Pa ANSA, na final di dia ta Gobierno lo mester inicia e proceso pa yega na un ampliacion. Di parti di ANSA, ta importante pa haya prioridad tambe di e gobierno nobo. Awor aki e punto principal pa nan ta cu e ampliacion di e espacio aereo no ta un meta riba su mes. Logicamente loke tin su tras cu nan lo por funciona mucho mas eficiente y safe, ta haya un espacio mas grandi. Awor aki e ta hopi chikito. E ta manera un straal di 25 miya nautico desde nos aeropuerto, siendo cu banda pazuid di nos e ta 14 miya. Hopi biaha ora cu avionnan pa bo por duna e trafico un bon flow, ta mucho mas miho pa tin un espacio mas grandi pa traha cun’e. Esey vooral ora cu ta den piekhours. Aruba ta ricibi hopi avion, vooral den fin di siman, y tambe den siman, for di 11’or di mainta pa 5’or di atardi. Avionnan tin tendencia pa yega hopi riba otro. Bo mester flow e trafico bon. Si bo tin un espacio mas grandi y bo tin nan den bo control den un espacio mas leu, prome cu nan yega bo aeropuerto, bo por guia nan, bo por flownan miho. Bo por secuence nan miho. Vooral haciendo uzo cu e tecnologia, bentahanan di radar, bo por traha mucho mas eficiente. Esey ta un asunto cu awor aki por ehempel, den cuadro di e proyeco di e radar, ta bezig na yega cu palabracionnan cu Corsou pa loke ta nan Letter of Agreement nobo y un di e puntonan cu nan a hinca aden, pa wak cone ta funciona. Cu Corsou ta pasa nan e control di e vuelonan na un distancia mas grandi cu den nan 25 miya. Y e ta funcionando perfectamente. Cu esey caba por mira cu e bentaha di tin un espacio aereo mas grandi. Un di e puntonan pakico tambe ta importante tambe ta, cu no ta cuestion cu Corsou no kier awor aki flow e trafico bon. Loke ta e punto ta cu nan mes tambe, pa loke ta piekhours pa Aruba, ta piekhours pa nan tambe. E deseo di Aruba ta pa nan flow e avionnan, e trafico, pone nan riba un distancia cu ora nan drenta nos espacio aereo, ya nan a flow nan pone nan tras di otro bon, djis pa tumanan over y baha nan facilmente. Hopi biaha ta bisa cu esey no ta posibel, door cu nan tambe yen cu trabao, esta Corsou. E ora bo ta haya cu un situacion unda cu tin congestionamento di avion cu ta yega mas of menos na e mesun ora. E ora ta haya nan toch dificultad pa por flow e avionnan bon y bo ta haya tin biaha cu bo mester hunto pone e avion den holding, locual ta ineficiente pa e avion tambe. Loke e piloto kier ta pa drenta e espacio aereo y baha mas pronto posibel. Ora cu mande hold, esey ta nifica cu e ta bay burn fuel innecesariamente y di dos ta conduci na retraso tambe. Esey ta loke na final di dia kier evita. Kier limita mas tanto posibel, avionnan cu ta bula den nos espacio aereo, ta wordo confronta cu retraso y wordo confronta cu nan mester burn combustibel sin cu esey ta necesario. Haciendo esey na un forma sigur, na un forma eficiente, unda cu ta flow e trafico na un forma mas eficiente y safe cu ta posibel. Na final di dia esey ta e meta.
