Pa comienso di otro aña controladornan aereo lo wordo certifica como controladornan di radar y despues di logra esaki, ya caba Gobiernonan di tanto Aruba y Corsou, lo bay sinta na mesa pa combersa riba ampliacion di nos espacio aereo. Awor aki e ta hopi chikito. E ta manera un straal di 25 miya nautico desde nos aeropuerto, siendo cu banda pazuid di nos e ta 14 miya. E espacio aereo cu nos tin actualmente ta asina chikito cu den piekhours ta haci e fluho di avionnan ta keda congestiona y cu tin biaha sa crea retraso. Deseo pa Aruba ta pa por maneha miho e fluho di trafico di avion, pone nan riba un distancia pa ora nan drenta e espacio aereo nan por baha facilmente. Cu ampliacion di e espacio aereo, sigur ta haci cu e fluho por wordo haci na un forma mas eficiente y mas sigur posibel, cual na final di dia, esey ta e meta principal.
Costo y extra entrada pa ampliacion
Director di ANSA NV, Nilki Kock a splica cu e intencion no ta pa bira financieramente miho di dje. E meta ta pa nan por flow nan trafico miho na un forma mas eficiente y safe. Tin e herment di radar awor aki, cu ta haci esey posibel. Tempo cu no tabata tin e radar, no tabata tin e bentahanan ey. Pero seq e ta rekera bentaha den e sentido di por funciona mas eficiente y percura tambe pa den nan forma di traha, pa e aereolineanan tambe por funciona mas eficiente posibel. E no tin un meta pa sali gana financieramente di dje. Esey no ta e meta ni intencion di ANSA. Pa loke ta e parti, si por ta e tin costonan envolvi, den e forma cu nan kier haci’e, ta e deseo cu tin cu wordo elabora, amplia riba un nivel di Gobierno, con nan ta bay ehecuta e detayenan.
Den lineanan grandi, na momento, ora y dia, cu ta duna servicio di radar, cu den e ora y dianan ey, loke nan ta yama flexible use of airspace, cu na e momentonan ey, ta uza e espacio aereo amplia. Si, como organisacion, bay controla e espacio aereo mas grandi eynan, esun amplia, esey ta nifica cu lo mester pone mas hende traha. Esey si lo nifica cu lo mester di busca mas personal, pero awor aki, esey no ta al caso. Ta cuminsa cun’e na un forma flexibel pa asina evita cu mester expande nan cantidad di personal. Aunke tin cu bisa si, tin seis hende awor aki cu aña pasa a manda trinidad y nan a cuminsa na April di e aña aki cu nan proceso di On the Job Training y pa otro aña nan lo ta cla. Ta calcula cu banda di Maart pa April y despues di esey nan lo mester traha algun aña como controlador a base di procedura, pa despues por haya e oportunidad pa sigui e curso pa bira Radar Controller. Aki algun aña lo tin seis controlador mas ta bin acerca y esey ta haci posibel cu lo por duna mas ora y mas dia servicio di radar.
Combersacionnan riba otro nivel
Tabata tin un diferencia di opinion den pasado prome cu minister Romer a drenta. Tabata trata aki di minister Yves Cooper, kende tabata basta fuerte contra di e deseo di Aruba pa loke ta espacio aereo. Segun Kock, e tempo ey tabata tin discusionnan riba un otro indole. Deseo di e gobierno di Aruba tabata pa haya toch, mirando e tempo ey e Air navigation Service Providor, cual antes tabata yama NAATC (Netherlandes Antilles Air Traffic Control), Gobierno dado momento a cuminsa un discusion, a expresa un deseo y negociacion tambe cu Corsou e tempo ey, pa por a haya sikiera shares. Prome gobierno a pidi shares den e compania eynan, of e peticion tabata si por a haya miembronan den e hunta di e compania eynan y dado momento el a bira un discusion riba nivel di Reino. Kock a splica tambe cu Hulanda na prome instante, ta sostene e punto di bista di Aruba. Den e combersacionnan tambe cu Corsou, Hulanda a expresa esey y a bisa cu nan ta haya cu e deseo di Aruba cu tabata hustifica y na su luga. Pero dado momento Hulanda a cambia di posicion y Hulanda su posicion tabata mas pa bisa cu no ta un asunto di Reino y a pone cu Aruba y Corsou tin cu yega na un areglo prome, djey pa laga Hulanda sa. Eynan Corsou su posicion e momento ey cu nan no tabata deseo pa papia mas riba e topico.
Un paso mas leu
E discusion awor aki ta riba un otro indole. E tempo ey e tabata cu Aruba lo kier a haya cierto partinan na prome instante di e entradanan di NATC. Of e otro opcion tabata cu si esey no ta posibel, que hubo di posibilidad pa haya e ora representacion den e board di e organisacion. E idea tabata pa Gobierno tin toch ta envolvi den e procesonan di tumamento di decision di NATC, mirando cu e decisionnan cu nan tabata tuma, tin consecuencia pa Aruba.
E tempo ey e tabata bay mas riba e participacion di Gobierno di Aruba den of sea e accionnan di NATC como parti di e board. Awor aki e discusion ta duidelijk e punto di ampliacion di e espacio aereo.
