P.F. Chang’s a habri su prome restaurant na Aruba

P.F. Chang’s, un marca mundial di hopi aña, cu mas di 300 restaurant rond mundo, awor ta añadi un otro localidad. Pa prome biaha den historia, e restaurant Asiatico, cu ta prepara tur plato fresco, ta disponibel awo pa bishitantenan di Aruba. E siman aki Gloria ta habri su portanan oficialmente y P.F. Chang’s ta añadi su mes na e compleho di mas cu 6000 m2, ofreciendo cuminda, entretenimento, co’i hunga y pelicula. E restaurant nobo P.F. Chang’s na Gloria ta habri tur dia for di 11:00AM pa 10:00PM.

E localidad nobo di P.F. Chang’s ta midi mas cu 500m2 y ta inclui un patio espacioso. E restaurant ta un localidad importante den Gloria, cual ta na un distancia cu por cana bay Eagle Beach y ta 5 minuut den auto for di e area di hotelnan hig-rise.

Un marca mundial ta contesta demanda di consumidor pa eleva cushina Asiatico: P.F. Chang's a habri su prome restaurant na Aruba

Un marca mundial ta contesta demanda di consumidor pa eleva cushina Asiatico: P.F. Chang's a habri su prome restaurant na ArubaPa mas info: https://24ora.com/p-f-changs-a-habri-su-prome-restaurant-na-aruba/

Posted by 24ora on Sunday, December 13, 2020

Na aña 1993 Paul Fleming y Philip Chiang a funda e cadena di restaurant P.F. Chang’s China Bistro cual concepto ta di un tradicion di 2000 aña di cushina “wok” y ta conoci pa cushina fresco y un restaurant cu ta brinda un experencia Asiatico. E decoracion ta inclui murayanan special y pafo e poderoso cabay di P.F. Chang’s.

Eddie de Veer, director di MetaCorp a bisa, “P.F. Chang’s ta e destinacion perfecto pa come, specialmente pa famianan di Aruba y nos turistanan”.

E menu ta inclui e platonan conoci cu ta prepara fresco tur dia den e restaurant, manera e faborito di bishitantenan, esta e Chang’s Lettuce Wraps, Mongolian Beef, Dynamite Shrimp y Chang’s Spicy Chicken, tambe e sushi traha na man, un variedad di dim sum, cocktails special y ofertanan limita.

Joe Davis, director general di The Movies @ Gloria a bisa, “P.F. Chang’s ta un marca cu ta bonbini na Aruba y un tipo di cuminda cu experencia mahestral. Ta cu placer nos a trece e restaurant unico di Asia den e centro di entretenimento nobo, Gloria.”

Tocante P.F. Chang’s

Paul Fleming y Philip Chiang a funda e cadena di restaurantnan P.F. Chang’s China Bistro na aña 1993 como e prome restaurant casual cu un concepto pa honra y celebra e tradicion di 2000 aña di cushina wok. Nan ta lora e dim sumnan na man, corta tur berdura y carni, cushina sausnan fresco tur dia y cushina cada plato estilo wok, tur dia den tur restaurant. E menu fresco di P.F. Chang’s ta completo, pues cushina na momento cu bo haci e bo pedido. Awendia, P.F. Chang’s tin mas di 300 restaurant rond mundo den 25 pais y localidadnan den aeropuertonan na Merca. Pa mas informacion di P.F. Chang’s, bishita pfchangs.com y sigui nan riba Facebook, Twitter y Instagram @pfchangsaruba.

“P.F. Chang’s ta emociona pa trece nos patrimonio di wok cooking y experencia superior pa Aruba,” asina Kristen Briede, Vice Presidente di Global Brands na P.F. Chang’s. “Nos ta contento di por contesta e demanda mundial cu e inversion aki di nos marca. Nos no por warda pa yama nos bishitantenan nobo bonbini y introduci nan nos cuminda Asiatico eleva.”

Tocante MetaCorp

MetaCorp ta existi desde aña 1920 den negoshi di cine. E compania a crece y na 1987, e actividad principal tabata cine, compania di Coca-Cola, transporte di material pisa y un mall chikito, cu bista pa lama. E compania a sigui expande cu varios actividad durante añanan y awendia ta opera diferente compania na Aruba. MetaCorp a hunga un rol importante den economia di Aruba via varios industria. Colectivamente, na e momentonan aki companianan di MetaCorp ta envolvi den seis industria – cu ta sigui crece den sostenibilidad, reinventando nos economia, cu riba 600 trahado den servicio directo di e companianan.

Noticia relacionaMas for di e autor