E hungadonan di Old Parr Domino Team a bini hunto pa asina batisa nan uniform nobo. Cu e uniform nobo aki nan ta cla pa competi den e campeonatonan di domino.
Orlando Chang, vice-presidente di Old Parr Domino Team, a expresa cu nan a bini hunto pa batisa e uniform nobo pa campeonato 2024. Old Parr Domino Team ta existi desde aña 1977.
Pa 26 aña nan ta campeon, mirando cu desde 1977 nan a cuminsa bira campeon di Aruba como Antias. Hopi biaha nan a termina como subcampeon tambe.
Old Parr Domino Team ta manda gradici Milton Harms di Romar Trading cu ta pone tur su confiansa den nan pa hopi tempo. Segun Chang, no ta pornada nan tin 26 aña como campeon. “Nos a representa Aruba tantisimo biaha tambe. Afo na Panama, Santo Domingo, varios pais”, el a expresa. E team di domino tin un total di 33 hungado
Tocante Old Parr Domino Team
For di aña 1977 Romar Trading ta sosteniendo e team di Old Parr cu ya for di e tempo ey tin 26 biaha campeon di Aruba y alabes tambe campeon di Antias.
