Frans Ponson di Aruba y Carl Gould di Merca, tabata e oradornan durante di e evento anual di Camara di Comercio.
Ponson a comparti cu e publico, di su experiencianan di con nan a cuminsa te caminda nan ta awor aki.
Tips
Ponson a duna tipsnan valioso na e entrepeneurnan hoben. E kier a convence tur hende cu nan por habri un negoshi. No mester tin miedo. Por bende kico cu nan kier bende, una bes cu pone e mente na dje y haci’e na un manera corecto. Nan a gusta e presentacion, pasobra nan a hari. E mensahe cu Ponson a trece dilanti tabata comprendi. Ponson a purba pa tene su presentacion hopi local, cu tur hende ta compronde. E orador internacional tabata hopi bon, pero e ta riba un otro nivel. Door cu Ponson a lag’e haci su presentacion, el a purba di tene su mes local pa asina e publico por sinti nan mes na cas y convence nan cu por hinca tempo aden, bo por habri bo negoshi y por ta exitoso.
Conseho
Conseho principal cu Ponson kier a duna ta, cu bo no mester tin miedo. Ora bo tin un idea, pasobra ey e ta cuminsa, bo por haci e idea aki bira grandi. Bo tin cu pensa riba dje y no lag’e bay. No pensa cu bo no ta exitoso, pasobra tin hopi caba. Hopi hende por ta haci’e, pero bo tin cu cambia e concepto. Haci’e un manera cu bo ta haya e mensahe y bo por bend’e. No descurasha, sigui bo soño, lanta bo negoshi y sea exitoso. Si Ponson por a haci’e, abo tambe por haci’e.
E balansa di bida priva y trabao
Ta un parti emocional, segun Ponson. Esey ta loke cu el a balansa hopi malo. E ta un workaholic. El a traha henter su bida duro. E ta regret hopi cos, pero na e edad cu e tin, e ta purba di cambia y haci su bida personal mas miho, cual antes e no a haci. El a mira su vision y a traha pa e compania, sin worry cu su bida personal.
Awor aki e ta conseha otro, bo tin cu traha duro, pero toch bo mester tin un bida personal.
Carl Gould
Carl Gould tabata e orador internacional invita pa e magno evento di Camara di Comercio cual a tuma luga diabierna anochi dilanti di un publico sumamente grandi.
E ta conta cu su presentacion tabata con pa logra den un economia volatil y aunke bo ta den un economia chikito, con bo por competi cu companianan mas grandi y paisnan mas grandi y kico ta e cosnan pa haci esaki.
Gould a duna varios tips y a papia di kico ta e psicologia di e cumprador y con por dal den dje, pa asina nan por cumpra for dibo na luga di otro hende.
E 7 pasonan
Tin e 7 pasonan for di planeamento strategico te cu sinergia specialisa. Tin un blueprint con pa ta exitoso y si bo keda na e pasonan aki bo por keda eynan dentro di un lapso di 36 luna.
YES
Cu esey a pasa hopi bon y a papia di hospitalidad, specialmente servicio na cliente. Ora cu bo ta den servicio pa cliente y specialmente den turismo, si bo pensa riba dje, tur hende cu a biaha pa Aruba, e ta e ultimo paso di nan biahe y nan a scucha NO henter caminda. E ultimo cos cu nan kier scucha ta e palabra NO. Si Aruba a adapta den su customer service e palabra SI, e lo ta un aire fresco y lo haci e biahe ainda mas agradabel, segun e orador.
Un codigo di conducta
Bo mester kere den loke bo producto ta, con bo ta haci’e y dicon bo ta haci’e. Dicon bo ta diferente, kende bo ta sirbi y na kico bo ta contribui. Mas bo ta kere den bo mision, mas bo ta kere den bo trahadonan y mas e clientenan ta kere den bo, cu lo lagabo cana atrabes di e temporadanan mas pisa.
